Sektorea/kategoria: Makineria industriala/Elikagaien industriarako makineria industriala.

Testuingurua: Irundin betetzeko/ontziratzeko makineria industriala diseinatu, garatu eta fabrikatzen duen enpresa bat da. Ontziak garbitzeko, betetzeko eta tapoia jartzeko makinetan espezializatuta dago, eta hainbat sektoretarako makinak egiten ditu, orduko 1.500 eta 50.000 botila arte ekoizteko ahalmenarekin.

Azken urteotan, Irundinek dibertsifikazioaren alde egin du, modu estrategikoan geografikoki hedatuz, eta bere produktu eta zerbitzu zorroa zabalduz, esaterako, bere makineriaren mantenimendua eta laguntza teknikoa internalizatuz, bezeroak leialtzeko.

Erronka: Proiektu honetan izan dugun erronka, lehenik eta behin, gaur egungo mahastizaintza-ardogintza sektorea eta bezeroa ulertzeko lan bat egitea izan da. Horri esker, bezeroak portaeraren arabera kategorizatu ditugu, eta, horrela, bakoitzarentzako oinarrizko balio proposamena identifikatu ahal izan dugu.

Produktu eta zerbitzuen eskaintza birdiseinatu dugu, ikerketan bezeroentzat identifikatu ditugun lehentasunen arabera, erabiltzailearentzat garrantzitsua den ikuspegi batetik.

Gure proposamenean makinen diseinua landu dugu, produktu/zerbitzuen zorroa merkatuaren eskakizunekin lerrokatzeko.